經過一日休養 子宮終於暫停打仗
可以繼續同大家講番旅行野嚕yeah!
大家有無試過著情侶裝呀?
以前喺街會見到情侶著
我成日都覺得好畢。
尤其係啲著到七彩蝦條既情侶裝
我係果種連同朋友著同一件衫都覺得畢既人
所以一直都無同麥仔著過情侶衫
諗都無諗過。
直到好耐之前麥仔忽然話點解我地無情侶衫
然後我敷衍唔知答左乜之後
到上個月我忽然痴左根
鬼上身一樣話喂又話買情侶衫既買囉
就買左。
不過中間我都好阻撓佢買啲過分高調既款式
七彩蝦條太大圖案都太唔型
於是揀左件黑色得幾粒英文既低調tshirt.
不過買完我都無勇氣著
唯有去到異地我地先敢著上身
喺異地我都豁出去無人識我就不怕柒
同埋其實著左都唔會記得自己著左
根本唔會留意人地點睇既
難怪啲情侶著完都唔會面紅～
不過！您放心！
為左大家眼球既幸福
喺香港我都係唔會同麥仔一齊咁著咖啦！
Search